"Жетістігімді еліме арнаймын" челленджі аясында "Атамекен" әні шырқалды!
16 желтоқсан – Қазақстан Республикасының Тәуелсіздік күні мерекесіне орай Түркістан облысы, Отырар ауданы “Ергөбек” негізгі орта мектебімізде ерекше рухани әрі патриоттық шара өтті. "Жетістігімді еліме арнаймын" челленджі аясында оқушыларымыз бүкіл елдің жүрегіне жақын болған "Атамекен" әнін орындады.
Әнін жазған: Ескендір Хасанғалиев
Сөзін жазған: Қадыр Мырза Әли
Шараның ерекшелігі:
Әнді оқушылар шынайы ықыласпен орындап, елге деген махаббатын, тәуелсіздікке деген құрметін көрсетті.
Ән шырқалған сәтте патриоттық сезім ерекше көрініс тауып, барлық қатысушыларға әсерлі рух сыйлады.
Шара арқылы тәуелсіз еліміздің құндылықтары мен Отанға деген адалдық ұрпақ санасына сіңірілді.
Тәуелсіздік – біздің мақтанышымыз, ал Отанға адал қызмет ету – әр азаматтың парызы.
Осындай игі шаралар арқылы оқушыларымызды елін сүюге, жетістіктерін Отанымызға арнауға баулимыз.
Біз "Жетістігімді еліме арнаймын" челленджін барлық білім беру ұйымдарына жолдаймыз және бұл рухани бастаманы қолдауға шақырамыз!
Өз пікіріңізді бөлісіп, осындай шараларды бірге насихаттайық!
