“Ергөбек негізгі орта мектеп”КММ-де ұстаздар күніне орай Өзін-өзі басқару ұйымының ұйымдастыруымен “Дублер күні” атап өтілді.
Новости
Ұстаз – ұлы есім! 
Құрметті ұстаздар!
Сіздерді «Өзін-өзі басқару» ұйымының атынан Ұстаздар күнімен шын жүректен құттықтаймыз! 
Ұстаз – білімнің шамшырағын жағып, шәкірт жүрегіне ізгілік пен адамгершіліктің дәнін себетін аяулы жан. Сіздердің әрбір ақыл-кеңестеріңіз, берген білімдеріңіз бен төккен еңбектеріңіз – біздің жарқын болашағымыздың берік негізі.
Сіздерге зор денсаулық, отбасыларыңызға амандық, еңбектеріңізге толағай табыс тілейміз! Шәкірттеріңіздің жетістігі мен құрметіне бөленіп, әрдайым биік белестерден көріне беріңіздер! 
Мерекелеріңіз құтты болсын, ардақты ұстаздар! 
Ізгі тілекпен,
«Өзін-өзі басқару» ұйымының мүшелері 
Ұстазға құрмет – ұрпаққа өнеге!
Ұстаздар күні мерекесіне орай саналы ғұмырын білім мен тәрбие саласына арнап, шәкірт жүрегінен ерекше орын алған ардагер ұстаздарымыздың шаңырағына арнайы барып, мерекелерімен құттықтап, ізгі тілегімізді білдірдік.
Мектебімізде ұзақ жылдар бойы басшылық қызметін абыроймен атқарып, білім ордасының дамуына өлшеусіз үлес қосқан Әбіш Ұлту апайымыз – ұлағатты ұстаз ғана емес, талай педагогке бағыт-бағдар берген білікті басшы, өнегелі жан.
Ал сан шәкіртке сапалы білім мен тағылымды тәрбие беріп, ұстаздық жолда өшпес із қалдырған Әлімбек Гүлсара апайымыздың еңбегі мен шәкірттеріне деген ыстық ықыласы әрдайым құрметке лайық.
Ардақты Ұлту апай мен Гүлсара апай! Сіздердің ұстаздық жолдағы еселі еңбектеріңіз – кейінгі буынға үлгі, шәкірттеріңізге мәңгілік өнеге. Сіздер жаққан білім шырағы талай ұрпақтың жолын жарық етіп келеді.
Сіздерге зор денсаулық, ұзақ ғұмыр, отбасыларыңызға амандық пен бақ-береке тілейміз! Шәкірттеріңіздің алғысы мен құрметіне бөленіп, мерейлеріңіз әрдайым үстем болсын!
Ұстаздар күні құтты болсын! Ұстаз мәртебесі әрдайым биік, абыройы асқақ болғай!
РУХЫ БИІК ТҰЛҒА – МҰХТАР ШАХАНОВ
Мектебімізде қазақтың көрнекті ақыны, қоғам қайраткері Мұхтар Шахановтың өмірі мен шығармашылығына арналған танымдық кеш өтті.
Кеш барысында ақынның өмір жолы мен шығармашылығы туралы слайд көрсетіліп, оқушыларға тағылымды мәліметтер берілді.
Іс-шараның қызықты бөлігі – интерактивті ойын. Оқушылар ақын шығармашылығына қатысты сұрақтарға жауап беріп, өз білімдері мен тапқырлықтарын сынады.Кеш барысында туған жер, ұлттық рух, елдік сана, адамгершілік құндылықтар кеңінен насихатталды.
Мұхтар Шаханов шығармашылығы – жас ұрпақты рухани биіктікке, елін сүюге үндейтін құнды мұра.
«Қарттар спортта» – белсенді ұзақ өмір күні 
Мақсаты: қарттардың дене белсенділігін қолдау, салауатты өмір салтын дәріптеу және белсенді өмір сүру мәдениетін насихаттау.
Мектебіміздің өсіп-өркендеуіне, жас ұрпақтың білім мен тәрбие алуына өзіндік үлесін қосқан ардақты зейнеткерлеріміз – Тиметов Нұртай ағай мен Әлібек Қалзия апайдың тоғызқұмалақ ойнап отырған сәті. 
«Зейнет жасы – белсенді өмірдің аяқталуы емес,
Жаңа белес, жарқын күннің басталуы дер едік.
Қимыл барда – қуат бар, көңіл барда – шуақ бар,
Белсенді өмір – денсаулыққа салынған берік тұғыр, анық жол.
Жас – жүрекке өлшем емес, жігер болса бойыңда,
Шаттық пен күш қатар жүрер әрбір атқан таңыңда.
Ақыл, тәжірибе, өнеге – кейінгіге асыл мұра,
Ардагерлер аман болсын, ортамыздың сәні бола!»
Үлкенге құрмет – ұрпаққа өнеге. Ардақты зейнеткерлерімізге мықты денсаулық, ұзақ ғұмыр, көтеріңкі көңіл-күй мен белсенді өмір тілейміз! 
Құрметті ұстазым! ”Ұстазым менің” челленджін қабыл алыңыздар
”Ұстазым менің” челленджін қабыл алыңыздарСізді шын жүректен мерекеңізбен құттықтаймыз! Сізге зор денсаулық, ұзақ ғұмыр, отбасылық бақыт пен еңбегіңізге мол табыс тілеймін. Бізге білім беріп қана қоймай, әрдайым дұрыс жол көрсетіп, ақыл-кеңесіңізді аямағаныңыз үшін алғысым шексіз. Шәкірттеріңіздің құрметіне бөленіп, еңбегіңіздің жемісін көре беріңіз!
«Ата көрген оқ жонар...»
“Ергөбек негізгі орта мектеп” коммуналдық мемлекеттік мекемесінің 6-сынып жетекшісі Полатова Жаннаның ұйымдастыруымен 6-сынып окушыларының қатысуымен
2 қазан күні «Атамен бір күн» акциясы өтті.
Бұл бастаманың басты мақсаты — жастар арасында үлкенге құрмет көрсету, ұрпақтар сабақтастығын нығайтып, қоғамдағы әлеуметтік жауапкершілік мәдениетін қалыптастыру.
Үлкеннің батасын алып, өмірлік тәжірибесін тыңдау — әрбір жас үшін үлкен мектеп. Аталарымыздың даналы сөзі мен ақылы — біздің жолымызды жарық ететін шамшырақ.
Бүгінгі күннен естелік ретінде жиналған жылы сәттерді сіздермен бөлісемін!
Ұстаздар күні – білім мен парасат мерекесі!
Ұстаздар күніне орай мектебімізде мұғалімдер мен оқушылар арасында шахмат, дойбы және тоғызқұмалақтан тартысты әрі қызықты жарыс ұйымдастырылды.
Бұл сайыс – тек жеңіс үшін емес, ұстаз бен шәкірт арасындағы сыйластықты арттырып, логикалық ойлау мен ұлттық құндылықтарды дәріптеген ерекше басқосу болды.
Жарыс барысында қатысушылар өздерінің тапқырлығын, шеберлігін және стратегиялық ойлау қабілеттерін ортаға салып, көтеріңкі көңіл күй сыйлады.
Барша ұстаздарымызды кәсіби мерекелерімен шын жүректен құттықтаймыз!
Еңбектеріңіз еленіп, шәкірттеріңіздің жетістігі әрдайым мерейлеріңізді үстем етсін!
Ұстаз мәртебесі – ұлық, еңбегі – өнеге!
ҚАРТТАР КҮНІ – ҰЛЫ БУЫНҒА ҚҰРМЕТ!
Қарттар күніне орай «Ергөбек” негізгі орта мектебінің әлеуметтік педагог А. Жанзақова мен тәлімгер Н. Сералының ұйымдастыруымен 7- сынып оқушылары Қалдыбай атаға арнайы барып, ізгі тілектерін білдіріп, құрмет көрсетті.
Қариясы бар елдің – қазынасы бар.
Қарттарға құрмет көрсету – ұрпақтың парызы, үлкенге ізет – халқымыздың асыл дәстүрі!
«Әжемнің шайы» – тағылым мен тәрбиенің ордасы
30 қыркүйек күні мектебімізде ұлттық құндылықтарды дәріптеу, үлкенді құрметтеу, жас ұрпаққа өнегелі тәрбие беру мақсатында сынып жетекшілердің ұйымдастыруымен «Әжемнің шайы» атты тағылымды кездесу өтті.
“Үш дәуір - бір отбасы” ұрпақтар сабақтастығы.
Мақсаты: ата- әже, ата- ана және немере арасындағы байланысты нығайту.
Кездесу барысында ақ жаулықты әжелеріміз өмірлік тәжірибелерімен бөлісіп, салт-дәстүр, әдет-ғұрып, отбасы тәрбиесі мен үлкенге құрмет, кішіге ізет көрсету туралы тағылымды әңгімелер айтты. Дастарқан басындағы жылы жүздесу әсерлі естеліктер мен ақыл-кеңеске ұласты.
Әжелеріміздің өнегелі әңгімелері жас ұрпаққа үлкен тәрбие мен рухани азық сыйлады. Осындай кездесулер ұрпақтар сабақтастығын нығайтып, ұлттық құндылықтарымызды дәріптеуге ықпал етеді.
Ақ батасын беріп, тағылымды ойларымен бөліскен ардақты әжелерімізге алғысымызды білдіреміз!
Ұстаздарыма мың алғыс!
Құрметті де аяулы ұстаздарым!
Сіздерге білім нәрін сеуіп, өмір жолында дұрыс бағыт-бағдар бергендеріңіз үшін шын жүректен мың алғыс!
Ұстаз – шәкіртінің жүрегіне білімнің шырағын жағып, болашағына жол ашатын аяулы жан. Сіздердің әрбір ақыл-кеңестеріңіз, мейірімдеріңіз бен төгілген маңдай терлеріңіз біз үшін өлшеусіз қымбат.
Еңбектеріңіз әрдайым жемісті болып, шәкірттеріңіздің жетістігі мерейлеріңізді үстем етсін! Дендеріңізге саулық, отбасыларыңызға амандық, көңілдеріңізге шаттық тілеймін. Ұстаздық жолдағы абыройларыңыз асқақтап, еңбектеріңіздің жемісін көре беріңіздер!
Білім бергендеріңізге – мың алғыс!
Тәрбие бергендеріңізге – мың алғыс!
Болашаққа жол көрсеткендеріңізге – мың алғыс!
Ұстаздарым, сіздерге деген құрметім мен алғысым шексіз!
Ұстаздар мерекесі құтты болсын!
