“Ергөбек негізгі орта мектеп” коммуналдық мемлекеттік мекемесінде “Адал азамат” біртұтас тәрбие бағдарламасына сай, тәлімгер Н.Сералының ұйымдастыруымен “Әлеуметтік желілер қоғамды біріктіре ме?әлде бөлшектей ме?”- тақырыбында пікір сайыс өтті. Сайыс барысында Жақтаушы топ-әлеуметтік желі қоғамды біріктіреді. Себебі қазіргі заманда адамдар бір-бірімен жылдам байланыс орната алады. Қоғамдық мәселелер көтеріліп, адамдар бір мақсатта бірігіп әрекет етеді. Сондықтан әлеуметтік желілер – қоғамды жақындастыратын маңызды құрал деп есептейді
Даттаушы топ-әлеуметтік желілер қоғамды бөлшектейді. Себебі адамдар тірі қарым-қатынастың орнына виртуалды әлемге тәуелді болып барады. Сонымен қатар, әлеуметтік желіде жалған ақпарат көп таралады, ол адамдар арасында түсінбеушілік пен жанжал тудыратындығын айтты.
