Отырар ауданы білім бөлімінің «Ергөбек негізгі орта мектеп» КММ-де АПБ қызметкерлерінің қатысуымен мектеп оқушылары мен ұстаздарға арналған құқықтық түсіндіру кездесуі өткізілді.
Кездесудің негізгі мақсаты – жасөспірімдер арасында құқық бұзушылықтың алдын алу, құқықтық сауаттылықты арттыру және қауіпсіз мінез-құлық мәдениетін қалыптастыру.
Кездесу барысында төмендегі мәселелер бойынша түсіндіру жұмыстары жүргізілді:
аудан көлеміндегі интернет-алаяқтық және бөтеннің мүлкін ұрлау қылмыстарының алдын алу; отбасылық-тұрмыстық зорлық-зомбылықтың алдын алу және оның жолын кесу; тұрмыстық сипаттағы құқық бұзушылықтардың алдын алу; ерте жүктіліктің алдын алу; жасөспірімдер арасындағы қылмыс пен құқық бұзушылықтың алдын алу; нашақорлықтың алдын алу және зиянды әдеттерден аулақ болу; буллингтің алдын алу; өз-өзіне қол жұмсаудың алдын алу және қиын жағдайларда көмекке жүгіну; лудоманияның алдын алу; электрлі самокат және мопедтерді басқару кезіндегі қауіпсіздік талаптарын сақтау.Кездесу барысында оқушыларға заң талаптарын сақтау, өз қауіпсіздігіне жауапкершілікпен қарау және құқық бұзушылыққа жол бермеу жөнінде маңызды ақпараттар берілді.
