Отбасы жүректегі-ең қымбат мекен!
Отбасы күніне орай мектеп ұжымы өздерінің жүрекке жақын жандарын,отбасылық құндылықтарын ерекше форматта көрсетті. Әр телефон экранындағы сурет-махаббат ,мейірім, қуаныш пен бақыттың естеліктері!
Новости
Отырар аудандық білім бөлімінің 03.09.2026ж 184 бұйрығына сәйкес,жылғы Тілдер мерекесіне орай Ергөбек негізгі орта мектебінің "Парасат"бірлестігі бойынша қазақ тілі мен әдебиет пәнінің мұғалімі Арын Гүлдинаның ұйымдастыруымен "Сұлу сөздің өрнегі"атты әдеби кеш өтті.Кештің мақсаты: оқушылардың ана тіліне деген сүйіспеншілігін арттыру, көркем сөздің қадірін ұғындыру,әдеби шығармаларды насихаттау.Кеш барысында оқушылар ұрпақтан-ұрпаққа жалғасқан ақын жазушыларымыздың баға жетпес жырларынан өлеңдерді жатқа айтты.Сөз қадірін сезіндіретін құндылықтарымыз мақал мәтелдермен кеш соңын қорытындылады.Халық даналығын арқау етіп, ана тілімізді қадірлеудің белгісі екендігін көрсетіп рухани әсер қалдырды.
«Ергөбек негізгі орта мектеп» коммуналдық мемлекеттік мекемесінде 2026–2027 оқу жылында, 7–16 қыркүйек аралығында Тілдер мерекесіне орай «Парасат» бірлестігінің ұйымдастыруымен «Тіл – халықтың жаны» атты онкүндік жоспарына сай, “Сөз құдіреті” атты үйірме жетекшісі Н.Нысамабетова 8-9 сынып оқушыларының қатысуымен сайыс сабағын өтті.
Тіліміз – халқымыздың жаны, ұлттың рухани байлығы!
Түркістан облысы
Отырар ауданы
"Ергөбек негізгі орта мектебімізде оқушылардың психологиялық амандығы мен қауіпсіздігін қамтамасыз ету мақсатында. «СЕНІМДІ ДОС» бағдарламасы мектептің әкімшілік құрамы, сынып жетекшілер, әлеуметтік педагог және педагогтерге таныстырылды.
Бағдарламаның басты мақсаты — балалар арасындағы суицидтік мінез-құлықтың, эмоционалдық күйзеліс пен жайсыздықтың дабыл белгілерін ерте анықтау және мектеп қызметкерлерінің жедел әрекет ету дағдыларын арттыру.
Кездесу барысында баланың психологиялық жағдайындағы өзгерістерді уақытылы байқау жолдары қарастырылды;
Қауіпті жағдайларда қолданылатын нақты әрекет ету алгоритмдері түсіндірілді;
Оқушылармен сенімді әрі қолдаушы орта құрудың маңыздылығы талқыланды.
Мектеп ұжымы бағдарлама бойынша белсенді жұмыс жасап, балалар қауіпсіздігін қамтамасыз етуде ортақ жауапкершілікті күшейтуге бір ауыздан дайын екендіктерін білдірді. Сонымен қатар білім беру ұйымдағы қауіпсіз, қолайлы және қолдаушы психологиялық ортаны қалыптастыру әр қызметкердің жауапкершілігі атап өтілді. Балалардың эмоционалдық әл-ауқаты мен қауіпсіздігі басты назарда болу қажеттігі түсіндірілді.
Мектебімізде 2026–2027 оқу жылына арналған ата-аналар жиналысы өткізілді. Жиын барысында жаңа оқу жылындағы мектептің негізгі міндеттері, тәрбие жұмысының басым бағыттары және ата-аналармен бірлескен жұмысты ұйымдастыру мәселелері талқыланды.
Сонымен қатар білім алушылардың мектеп формасына қойылатын талаптары, мектептің ішкі тәртіп ережелері, оқушылардың мінез-құлық мәдениеті, сабаққа тұрақты қатысуы мен кешігудің алдын алу мәселелері түсіндірілді.
Оқушылардың өмірі мен денсаулығының қауіпсіздігін қамтамасыз ету, құқық бұзушылықтың, буллинг пен кибербуллингтің алдын алу мәселелеріне ерекше назар аударылды. Ата-аналар мен мектеп арасындағы тұрақты байланысты нығайту, бала тәрбиесіндегі ортақ жауапкершілік туралы да айтылды.
Жиын соңында ата-аналардың ұсыныс-пікірлері тыңдалып, өзекті мәселелер бойынша пікір алмасу жүргізілді.
Бала тәрбиесі мен сапалы білім беру – мектеп пен ата-ананың ортақ міндеті. Бірлескен жұмысымыз балаларымыздың жарқын болашағына бағытталсын!
Түркістан облысы, Отырар ауданы “Ергөбек негізгі орта мектеп”КММ-нің 6 - сынып оқушыларымен 04.09.2026 жыл 5 қыркүйек - ұлт ұстазы Ахмет Байтұрсынұлының тұған күні және Қазақстан Халқының тілдер күніне орай “Тіл- достықтың дәнекері” тақырыбында сайыс сабағы өткізілді. Мақсаты: Оқушыларға ана тілінің қадір-қасиетін түсіндіру,тілге деген құрметін арттыру. Ұлт ұстазы Ахмет Байтұрсынұлының өмірі мен шығармашылығын таныстыру,ғалымның қазақ тілі мен әдебиетіне қосқан үлесін насихаттау. Іс- шара барысында оқушыларға видео роликтер көрсетілді. Қазақ тілінің ұлт өміріндегі маңызы, тілдің халықтың тарихы мен мәдениетін сақтаудағы рөлі туралы мағлұмат берілді. Сайыс сабақ 4 бөлімнен құралып, оқушылар ойындарға қатысып өз білімдерін ортаға салды.
1 ҚЫРКҮЙЕК – БІЛІМ КҮНІ ҚҰТТЫ БОЛСЫН!
Бүгін еліміздің барлық білім беру ұйымдарында жаңа оқу жылы басталып, мектептерде алғашқы қоңырау үні сыңғырлады. Бұл күн – балалық шақтан үлкен арманға бастайтын жаңа белестің бастауы, ұстаз бен шәкірт үшін ерекше толқынысқа толы сәт.Жаңа оқу жылы барша білім саласының қызметкерлері, оқушылар мен ата-аналар үшін берекелі де нәтижелі болсын! Әр оқушының арманы асқақ, қадамы нық, жетістігі мол болғай!
Білім күні құтты болсын! Жаңа оқу жылына сәттілік тілейміз!
«Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі» тақырыбында сынып жетекшілер бірыңғай сынып сағатын өтті.
Оқушыларға сынып сағаты барысында Конституцияға енгізілген өзгерістер мен толықтыруларды ілгерлетуге, сондай-ақ Мемлекет басшысы Қ. Тоқаев айқындаған “Адал азамат”, “Таза Қазақстан”, “ Заң және тәртіп”, “Толық адам” және басқа да идеологмаларға баса назар аудара отырып, түсіндіру жұмыстарын жүргізді
“Ергөбек негізгі орта мектеп” КММ
2026 жылғы 4 ақпан күні сағат 11:00-де «Заң мен тәртіп – Қауіпсіз Қазақстан үшін!» және «Қауіпсіз балалық шақ» тұжырымдамасы аясында Түркістан облысы прокурорының орынбасары Тлемисов Даулет Бекбашұлының қатысуымен мектеп оқушыларына арналған тікелей эфир форматында онлайн кездесу ұйымдастырылды.
Аталған кездесуге мектебіміздің 7-9 сынып оқушылары мен сынып жетекшілері, пән мұғалімдері қатысты. Кездесу барысында оқушылардың құқықтық сауаттылығын арттыру, құқықбұзушылықтың алдын алу, кәмелетке толмағандар арасындағы қауіпсіздік мәселелері, интернет қауіпсіздігі, буллинг пен кибербуллингтің алдын алу туралы маңызды ақпараттар берілді.
Сонымен қатар, оқушылар өздерін толғандырған сұрақтарын қойып, маман тарапынан нақты жауаптар алды. Кездесу оқушыларға заң талаптарын сақтау, құқықтық мәдениетті қалыптастыру және қауіпсіз мінез-құлық дағдыларын дамытуға оң әсерін тигізді.
Жиналыс соңында оқушыларға құқықбұзушылықтың алдын алу бойынша түсіндірме жұмыстары жүргізіліп, заң талаптарын сақтау қажеттілігі атап өтілді.
